Tre ministra dhe Avokati i Popullit raportojnë për minierën e re të KEK-ut

Nesër paradite, tre ministra të kabinetit qeveritar të Haradinajt dhe avokati i popullit do të diskutojnë për Minierën e Re të KEK-ut.
Nga ora 10, Valdrin Lluka, ministër i Zhvillimit Ekonomik, Albena Reshitaj, ministre e Mjedisit dhe Planifikimit Hapësinor, Bedri Hamza, ministër i Financave si dhe  Hilmi Jashari, Avokat i Popullit bashkë me përfaqësuesit e fshatit Hade raportojnë para komisionit për të Drejtat e Njeriut, Barazi Gjinore, për Persona të Pagjetur dhe Peticione, transmeton Indeksonline.
Ky raportim mbahet lidhur me vendimin e qeverisë për themelimin e grupit teknik me qëllim të propozimit të zhvillimit të Minierës së Re të Korporatës Energjetike të Kosovës. /Indeksonline/