Trajneri i Portugalisë flet pas humbjes nga Uruguai

Portugalia është eliminuar nga botërori i Rusisë, pasi është mposhtur 2:1 nga Uruguai.
“Para se gjithash, urime për Uruguain. Është diçka e trishtueshme për Portugalinë”, ka deklaruar fillimisht Santos.
“Ne e dimë që sheshet kanë qenë të mbushura me tifozë në Portugali duke bërë tifo për ne”.
“Ne e kemi ndjerë praninë e tyre dhe kishte një trishtim të vërtetë në zhveshtore që nuk ishim në gjendje të bënin më shumë për ta. Në futboll nuk ka fitore morale, dhe unë do të kisha preferuar të luaja keq dhe ta fitoja ndeshjen”.
“Mendoj se pjesa e dytë ishte më e mirë për ne në aspektin e dëshirës dhe vendosmërisë sonë për të shënuar. Ne u përpoqëm dhe luajtëm një ndeshje të mirë”./Lajmi.net/