Sindikata e Bashkuar e Arsimit, Shkencës dhe Kulturës (SBASHK) ka paralajmëruar grevë të përgjithshme në arsim nga fillimi i vitit të ri shkollor nëse nuk ndryshohet renditja e mësimdhënësve në tabelën e Projektligjit për pagat.
Në këtë projektligj secili profesion është vlerësuar me koeficient, i cili do të përcaktoi shumën e pagave, shkruan sot Koha Ditore.
Mësimdhënësit janë vlerësuar me koeficient 1.95 derisa shumë më lartë se ta janë vlerësuar këshilltarët politikë, mjekët, anëtarët e Kuvendit komunal, rreshterët e FSK-së, anëtarët e komisionit qendror të zgjedhjeve e shumë profesionistë të tjerë.
Në bazë të Projektligjit, koeficientin më të lartë e ka presidenti me 12, i pasuar nga kryetari i Kuvendit, kryeministri e kryetari i Gjykatës Kushtetuese me koeficient 10.
Koeficientin për mësimdhënësit, kryetari i SBASHK-ut, Rrahman Jasharaj, po e quan të papranueshëm dhe ofendues për ta. Ka kërkuar që Ministria e Administratës Publike si sponsorizuese e Projektligjit të mos lejojë që mësimdhënësit të mbesin në renditjen aktuale
