Mbahet takimi i parë i Unionit të Bizneseve Shqiptaro-Gjermane

Unioni i bizneseve më 28 Prill mblodhi 56 anëtarët Premium në takimin e tyre të parë të kësaj natyre.
Nazmi Viqa, kryetarë i Unionit hapi këtë takim duke shprehur konsideratë të lartë për pjesëmarrjen masive të anëtarëve si dhe duke falënderuar zëvendëskryeministrat e Kosovës Fatmir Limaj e Dardan Gashi si dhe ushtruesin e detyrës së ambasadorit të RKS në Gjermani, Astrit Zemaj e konsullin e RKS në Frankfurt, Ajvaz Berisha për pjesëmarrje.
Fjalë përshëndetëse mbajtën edhe zëvendëskryetari i Unionit Gani Nuha, si dhe përfaqësuesit e institucioneve të RKS. Bekim Brestovci, drejtor ekzekutiv i UB-së shpalosi para të pranishmëve platformën strategjike të UB-së, vuri një theks të veçantë në aktivitetet e zhvilluara 12 muajt e fundit duke u fokusuar pastaj në planet e punës gjatë vitit 2018.
Takimin e nderoi me prezencën e tij edhe afaristi shqiptarë i përmasave botërore, Lazim Destani.
Shoqata jo qeveritare GERMIN u përfaqësuan nga Liza Gashi ndërsa afaristja nga Zvicra zonja Merita Pinta i solli në këtë takim përshëndetjet nga afaristët shqiptarë në Zvicër.
Prezantimi i veprimtarive të të gjithë antarëve PREMIUM, prezent në takim ishte dëshmia më e madhe se shqiptarët afarist të mbledhur rreth UB-së, po prekin majat e suksesit në shtetin Gjerman. UB do jetë një Partner i denjë për realizimin e projekteve strategjike me rëndësi nacionale ishte zotimi i anëtarëve Premium ndërsa nga përfaqësuesit e qeverisë së Kosovës u shpreh gatishmëri maksimale për bashkëpunim të drejtpërdrejtë dhe ofrim të projekteve konkrete të një rëndësie të veçantë për zhvillimin ekonomik të Kosovës.
Pjesëtarët e UB-së , Zenun Krasniqi dhe Vllaznim Kelmendi sollën shembujt e tyre konkret të investimeve Kapitale në Kosovë si dhe paraqiten përvojat e tyre të mira me Importin e mallrave ushqimore dhe pijeve nga Kosova. Firma Nuha Bau për kontributin e dhënë në kontinuitet për UB-në e në veçanti për bashkëpunimin afarist me anëtarët e Unionit u dekorua me mirënjohje. Shumë ide për projekte të përbashkëta dhe gatishmëri e lartë për bashkimin e forcave ekonomike në realizim të projekteve madhore siç është
edhe banka zhvillimore e diasporës ishin pjesa më e vlerësuar e këtij takimi i cili u mbyll me zotimin per punë të përbashkët të mirë koordinuar nga kryesia e UB-së, të udhëhequr nga kryetari Nazmi Viqa.