Deputeti Elmi Reçica, ka thënë se ratifikimi i marrëveshjes së demarkacionit mundësoj të forcohet sovraniteti i vendit dhe të fuqizohet subjektiviteti ndërkombëtar, me anë të kësaj marrëveshje përmbyllet obligimi i fundit lidhur me liberalizimin e vizave.
“Deputetët e Kuvendit të Kosovës, në seancën e sotme përmes votimit të ratifikimit të projektligjit të marrëveshjes për kufirin shtetëror në mes të Republikës së Kosovës dhe Malit të Zi, mundësuan të forcohet sovraniteti i vendit dhe të fuqizohet subjektiviteti ndërkombëtar, me anë të kësaj marrëveshje përmbyllet obligimi i fundit lidhur me liberalizimin e vizave dhe hapim rrugën e liberalizimit të vizave që mundëson lirinë e lëvizjes për qytetarët tanë. Gjithashtu ky projektligj mundëson që në mënyrë specifike të rishikohet dhe të korrektohet secili sektor i caktuar i kufirit duke qartësuar gjithçka dhe duke hequr çfarëdo dilemë lidhur me mundësitë e ndonjë gabimi eventual” ka thënë Reçica
