“Bashkimi i qytetit” do të jetësohet gjatë vitit 2018

Ferizaj.22.01.2018. Gjatë ditës së sotme, kryetari Aliu ka takuar ministrin e Infrastrukturës, Pal Lekaj. Gjatë këtij takimi është diskutuar për shumë projekte të rëndësisë strategjike infrastrukturore për Ferizajn.
Vlen të theksohet se ndër projektet më të rëndësishme infrastrukturore, “Bashkimi i qytetit”, i cili ka marr dritën jeshile për implementim dhe është përfshirë në Buxhetin e Republikës së Kosovës është në rrugën e sigurt të implementimit dhe se jetësimi i tij është zgjidhje afatgjate për kaosin në trafikun brenda zonës qendër.
Po kështu edhe projektet tjera infrastrukturore me të cilat ka aplikuar Komuna e Ferizajt janë në fazën e shqyrtimit dhe presin që shumë shpejt të marrin miratimin e Ministrisë së Infrastrukturës.
Kryetari Aliu u shpreh falënderues ndaj Ministrisë së Infrastrukturës për gjithë mbështetjen e ofruar deri më tani dhe tha se ky bashkëpunim konkret mes dy institucioneve do të vazhdoj edhe më tej, projekte këto të cilat do ta shndërrojnë Ferizajn në një qendër moderne edhe në aspektin infrastrukturor.