Ferizaj.19.01.2018. Kryetari Aliu në vazhdën e përpjekjeve për rritjen e dinamikës së punës në administratën komunale si dhe aplikimit të qeverisjes profesionale gjatë ditës së sotme ka emëruar dy këshilltarë pranë Zyrës së Kryetarit:
1. z. Besim Zymberi – Këshilltar administrativ pranë Zyrës së Kryetarit i cili do të këshilloj kryetarin e komunës lidhur me avancimin e politikave lokale si dhe;
2. z. Mustafa Grainca – Këshilltar për çështje ekonomike pranë Zyrës së Kryetarit, i cili do të këshilloj kryetarin e komunës lidhur me politikat e përgjithshme për zhvillimin ekonomik.
Ekipi qeverisës i kryetarit Aliu përbëhet nga profesionistë të fushave të ndryshme të cilët me eksperiencën e tyre profesionale do të bëjnë zbatimin e plotë dhe të shpejtë të platformës qeverisëse.
