17.01.2018. Në Strasburg, në takimin e katërt të përbashkët të organizuar nga Komisioni Parlamentar për Stabilizim dhe Asociim BE-Kosovë, kanë marrë pjesë edhe deputet të Parlamentit të Kosovës.
Në këtë takim u shkëmbyen pikëpamje mbi tema të ndryshme si dhe u diskutuan shumë çështje me interes të veçantë për Kosovën, me qëllim të mbështetjes së Republikës së Kosovës në procesin e para anëtarësimit në Parlamentin Evropian.
Me këtë rast edhe deputeti Elmi Reçica ka paraqitur të arriturat lidhur me organizimin dhe menaxhimin e zgjedhjeve të fundit.
“Në cilësinë e përfaqësuesit të Komisionit Parlamentar për Stabilizim dhe Asociim, pata rastin të paraqes para delegacionit të BE-së, të arriturat lidhur me organizimin dhe menaxhimin e zgjedhjeve të fundit, gjithashtu adresova rekomandimet për të ardhmen që kanë të bëjnë me procesin e zgjedhjeve” ka thënë Reçica.
