Një aksident trafiku me fatalitet ka ndodhur rreth orës 17:30 në rrugën magjistrale Prishtinë-Gjilan, afër rrugës për te fshati Mramor.
Lajmin e ka konfirmuar për Klan Kosovën, Flora Ahmeti, zëdhënësja e policisë për rajonin e Prishtinës e cila tha se një person ka humbur jetën ndërsa tre të tjerë kanë mbetur të lënduar.
“Në 17:30 kemi pranuar informaten për një vetaksident trafiku në magjistralen Prishtinë- Gjilan saktësisht në fshatin Mramor.
E përfshirë është një kamionete ku gjendeshin tre persona të cilët janë lënduar. Njëri prej tyre ka humbur jetën në vendngjarje”, ka thënë Ahmeti.
