Ferizaj. 12.11.2017. Para pak çastesh ne selin e LDK-së në Ferizaj është nënshkruar koalicioni parazgjedhore në mes të LDK-së dhe AKR-së në Ferizaj.
Në një konferencë për media kryetari I LDK-së në Ferizaj , njëherit kandidat për kryetar të Ferizajt Muharrem Svarqa ka nënshkruar një kontratë të koalicionit me Labinot Tahirin , koordinator i AKR—së dega në Ferizaj.
Sipas kësaj kontrate këto dy subjekte do të garojnë së bashku dhe do të përkrahin kandidatin e LDK-së Muharrem Svarqa në garën e balotazhit për të parin e Ferizajt.
Ky është koalicioni i parë zyrtarë në Ferizaj në mes të subjekteve politike për përkrahje të kandidatëve për të parin e Ferizajt.
Në anën tjetër kundër kandidati nga radhët e PDK-së ditë më parë ka deklaruar se në garën e balotazhit për të parin e Ferizajt do të hyj i vetëm.
