Ferizaj.04.10.2017. Banorët e fshatrave Dardani, Mirosalë, Pojatë e Softaj i janë gëzuar sot fillimit të punimeve për një projekt madhor i cili do të shtrihet nëpër lokalitetet e tyre.
Fillimin e punimeve për asfaltimin e rrugës 7 kilometrëshe që lidh fshatrat Dradani , Mirosalë , Pojatë e Softaj e ka ndjekur nga afër edhe kryetari i komunës së Ferizajt Muharrem Svarqa, i cili e vlerësoi tepër të rëndësishëm asfaltimin e kësaj rruge.
Ai bëri të ditur se projekti në fjalë vjen si bashkëpunim i komunës së Ferizajt me Ministrinë e Infrastrukturës.
“Këtu po fillon asflatimi i rrugës për drejtime të fshatrave Mirosalë , Pojatë dhe Softaj në segmentin e rrugës afër 7 kilometra e cila është rezultat i një marrëveshjeje të përbashkët që kemi pasur me Ministrinë e Infrastrukturës . Ky projekt lidh praktikisht edhe fshatin Dradani a po më saktë magjistralen Ferizaj-Gjilan e po ashtu do të shërbej edhe për lidhjen e rrugës që shpie në fshatin Rahovicë , Mirash, më tutje Babush dhe fshatrat e tjera . Është një segment modern që i ka munguar komunës së Ferizajt dhe deri më tani banorët e këtyre fshatrave për të mbajtur lidhjet farefisnore është dashur të marrin rrugën në drejtim të Ferizajt, prandaj ne po lirojmë qarkullime dhe po i lidhim fshatrat mes vete ashtu siç janë të lidhura në mënyrë organike edhe përmes lidhjeve farefisnore. Unë jam i lumtur që ne po realizojmë projekte tepër të rëndësishme e të papara ndonjëherë në të gjitha qeveritë e pasluftës” deklaroi kryetari Svarqa.
Ai më tutje shtoi se në vitet e fundit kjo Ministria ka financuar projekte në vlerë rreth 20 milionë euro për çka i është mirënjohëse komuna e Ferizajt.
“Përfitimet që ka pasur komuna e Ferizajt vetëm nga Minisitria e Infrastrukturës janë mbi 20 milionë euro . Janë këto përfitme që i japin kuptim edhe zhvillimit të përgjithshëm të komunës së Ferizajt si njëra ndër komunat industrialisht më të zhvilluara në Kosovë sepse asfaltimet ne i kuptojmë edhe si infrastrukturë paraparake edhe për vendosjen e bizneseve të fuqishme” shtoi kryetari Svarqa.
Rruga që filloi të asfaltohet sot do të jetë e gjerë 6 metra sipas standardeve moderne dhe do të jetë e shoqëruar me të gjithë infrastrukturën përcjellëse. Ky investim kap vlerën mbi 700 e 80 mijë euro.
