Sipas një komunikate të cituar nga agjencia zyrtare e lajmeve “Sana”, ushtria ka shpallur një ndërprerje të armiqësive nga 2 korriku deri më 6 korrik në provincat Deraa, Qouneitra dhe Soueida.
“Për të mbështetur procesin e paqes dhe pajtimin kombëtar, një ndërprerje e armiqësive hyri në fuqi më 2 korrik në orën lokale 14:00 dhe do të zgjasë deri më 6 korrik në mesnatë”, sipas tekstit.
Armëpushimi nuk do të përfshijë luftimet kundër grupit xhihadist të Shtetit Islamik, përcjell Atsh.
Sipas Observatorit sirian për të Drejtat e Njeriu (OSDH), luftimet janë ndërprerë në këto tre provinca.
