Mes revoles dhe gjoksit të vet ai do të vendoste një libër të trashë enciklopedik, autoritet thonë t’i këtë thënë të dashurës së vet 19-vjeçare, Monalisa Perez, transmeton Express.
Faqet e librit, ishte arsyetuar ai, do ta ndalnin plumbin.
Madje ai kishte prova se një gjë e tillë kishte funksionuar një herë – një libër tjetër me vrimë hyrëse por jo edhe dalëse.
Prandaj, të hënën në mbrëmje, çifti i ri i kishte vendosur dy kamera pranë shtëpisë së tyre dhe ishte përgatitur për këtë marifet me të cilin kërkonin të depërtonin në YouTube.
Ata donin famë, familja e tyre ka thënë, dhe rreziku shpesh e sjell atë.
“Unë dhe Pedro mbase do ta xhirojmë njërën prej videove më të rrezikshme ndonjëherë,” kishte shkruar Perez në Twitter, duke shtuar “Ideja është e tija, jo imja.”Por, halla e Ruiz, Claudia Ruiz, i kishte thënë nipit të saj “Mos e bëj, mos e bëj,” kur ai e kishte propozuar këtë ide.
Por, përgjigjja e tij, ka thënë ajo, ishte e thjeshtë: “Sepse duam më shumë shikime në Youtube”.
Ruiz e kishte vendosur librin në gjoks derisa Perez e kishte mbajtur revolen, një revole ari “Desert Eagle” e kalibrit 50mm, e cila konsiderohet si njëra prej revoleve më të fuqishme në botë.
Në një largësi prej 30 centimetra, Perez kishte shtënë në gjoksin e të dashurit.
Ama këtë herë, plumbi nuk ishte ndalur në libër, por kishte shpuar Perezin në gjoks.
Mjekët ishin përpjekur ta shpëtonin, thonë autoritetet, por ai veçse ishte shpallur i vdekur në shtëpinë e vet./Express/
