Protestat e shqiptarëve kundër qeverisë shtrihen deri në Bruksel, çfarë pritet të ndodhë të hënën?

Protestat për një qeveri pa korrupsion, pa krim dhe zgjedhje të lira pritet që të shtrihen deri në Bruksel. Është njoftuar nga deputetët e djathtë se komuniteti shqiptar në Belgjike, të hënën në orën 14: 00 do të mbajë një protestë përpara zyrave të Komisionit Europian. Mesa duket opozita nuk tërhiqet aspak nga vendimet e saj për ta vazhduar deri në plotësim të kushteve këtë protestë. Të djathtët kanë paralajmëruar në të njëjtën kohë se nuk do të  jenë të pranishëm as seancën parlamentare që do të mbahet në Parlament për ligjin e vettingut, miratimi dhe zbatimi i të cilit është i rëndësishëm për çeljen e negociatave të vendit tonë me Bashkimin Evropian. /Gazeta Express/