Këto pamje janë filmuar nga një adoleshent britanik David Fleming Jr, i cili ishte brenda aeroplanit kur ndodhi drama në të cilën për fat nuk kishte të lënduar, transmeton Telegrafi.
Sipas pamjeve të publikuara në internet, shihet se si krahët e aeroplanit në një moment përplasen në pistë, që sipas ekspertëve shkaktar i kësaj besohet të jetë pesha e madhe.
Pasi pilotët për një moment humbën kontrollin e aeroplanit, në vendin e ngjarjes u shfaqën ekipet e zjarrfikësve dhe autoambulancat që për fat të mirë nuk patën nevojë të intervenojnë, pasi që të gjithë pasagjerët kanë shpëtuar pa lëndime.
