Ky samit, që organizohet nga Komisioni për Punë të Jashtme i Kuvendit të Kosovës, mbahet më 20 dhe 21 shkurt në Prishtinë.
Në këtë samit do të marrin pjesë përfaqësues të Parlamentit Evropian dhe të parlamenteve të shteteve të ndryshme evropiane, drejtues të institucioneve ndërkombëtare në Kosovë dhe institucioneve vendore, bën të ditur një njoftim nga Kuvendi.
“Panelistët dhe pjesëmarrësit e tjerë do të diskutojnë për perspektivat e zgjerimit të BE-së, përforcimin e bashkëpunimit ndërmjet vendeve të Ballkanit në rrugën drejt integrimeve në organizatat ndërkombëtare, për krizën e emigracionit, si dhe për luftën kundër terrorizmit dhe radikalizmit në rajon”, thuhet në njoftim.
