Nëpërmjet një shkrimi në Facebook, Gecaj ka akuzuar anëtarët e VV’së se po e mohojnë shtetin e Kosovës, por po ia marrin rrogat, dhe se e kanë bërë Kosovën gaz me sjelljet në Kuvend.
Gecaj ka thënë se në Vetëvendosje janë hidhëruar pse s’hyri treni nga Serbia në Mitrovicë dhe pse u hoq muri në veri.
Ky është shkrimi i plotë i tij:
KUSH JANË KËTA NJERËZ?!
Ndërhyrjen e NATO-s e konsiderojnë për interesa të perëndimit; Flamurin e Kosovës e quajnë “leckë lara lara”; Se njohin shtetin por ia marrin rrogat; Ofendojnë ekipet përfaqësuese; Hedhin molotovë mbi policët-mbrojtësit e dëshmuar të Republikës; Djegin veturat e grave politikisht joaktive; Nuk i nderojnë dhe i fyejnë figurat kombëtare si Ibrahim Rugovën; Votojnë kundër shpëtimit të Trepçës dhe kundër MSA-së; Sulmojnë (edhe fizikisht) partnerët strategjik; E bën Kosovën gaz me sjelljet në Kuvend; E kanë lidh fatin politik me veprimet e Beogradit; Hidhërohen pse s’hyri treni dhe u hoq muri; Fyejnë qytetarët e Kosovës për proamerikanizmin; Shkruajnë letra që Kosova të mos ketë kod SHTETËROR telefonik, por ta përdorë atë të Serbisë…! Kush janë këta njerëz?!(sic.)
