Ashtu si në çdo ndeshje ku luajnë kuqezinjtë, tifozët vendas janë të shqetësuar për biletat. Ndeshja mes Italisë dhe Shqipërisë është vendosur të luhet në stadiumin “Renzo Barbera” të Palermos, i cili ka nje kapacitet prej 36 mijë vendesh.
Duke parë këtë fakt, drejtuesit e Federatës Italiane të Futbollit por edhe tifozët italianë janë të shqetësuar për faktin se tifozët shqiptarë mund të blejnë masivisht biletat e tyre duke përsëritur kështu atë ndeshje në Xhenoa.
Shqipërisë do t’i jepen vetëm 5% e vendeve në stadium, pra 1800 bileta, por asgjë nuk i pengon shqiptarët që jetojnë në Itali të marrin më shumë bileta.
