Sipas tij, për Asociacionin bëhet fjalë vetëm në territorin e Kosovë, për të cilën është paraparë autonomi e gjerë dhe Serbia, thotë ai, sinqerisht po merr pjesë për në themelimin e tij.
“Për asnjë shtet që na rrethon, e as për pjesë tjera të territorit të Serbisë, nuk zhvillohen bisedime për autonomi të gjerë. Kështu që çfarëdo tentimi për të kopjuar Asociacionin në atë kuptim kanë për qëllim rrënimin e rendit kushtetues të atyre vendeve”, ka thënë Nikoliq për mediat serbe, transmeton lajmi.net.
Ai ka shtuar se është i mundshëm bashkëpunimi i vetëqeverisjeve lokale në shtete, por ekziston mundësia që ky bashkëpunim të bëhet edhe përtej kufijve në pajtim me vendimet e qeverive të atyre vendeve që bashkëpunojnë.
Ky reagim i Nikoliqit vije pas nënshkrimit të memorandumit të 5 bashkive shqiptare sot në Tiranë. Bëhet fjalë për memorandumin e bashkëpunimit ndërmjet Tiranës, Prishtinës, Tetovës, Ulqinit dhe Preshevës.
Ky bashkëpunim në Serbi po shihet se një tentim për krijimin e “Shqipërisë së Madhe”. /Lajmi.net/
Lexoni edhe:
Ja çfarë përmban memorandumi i parë i Unionit të Bashkive Shqiptare
.
