Sipas AGK-së, tashmë është bërë praktikë që partitë politike dhe njerëzit e fuqishëm në pushtet gjithnjë e më shumë janë duke paditur mediat dhe gazetarët. Kjo është duke ndodhur edhe kur raportimi është i bazuar në fakte dhe bëhet me qëllim të frikësimit të gazetarëve.
“Përdorimi i mjeteve ligjore për të realizuar një të drejtë është metodë demokratike. Mirëpo, marrë parasysh sistemin fragjil të drejtësisë në Kosovë, komuniteti i gazetareve frikësohet se ky rast mund të mos zgjidhet në mënyrë meritore”.
“Për këtë arsye dhe duke mos paragjykuar vendimin final të gjykatës, i rekomandojmë Gjykatës Themelore në Prishtinë dhe instancave të tjera gjyqësore që të shqyrtojnë këtë rast bazuar në standardet e krijuara nga Gjykata Ndërkombëtare e të Drejtave të Njeriut dhe Këshilli i Europës. Njëkohësisht i bëjmë thirrje komunitetit ndërkombëtar, sidomos OSBE-së, Këshillit të Europës dhe zyrës së BE-së të monitorojë nga afër rastin gjyqësor kundër gazetës Insajder”, thuhet në komunikatë.
Së fundi, kërkojmë nga Këshilli Gjyqësor i Kosovës, të përgatisë dhe të publikojë të dhënat e tij rreth rasteve kundër mediave dhe gazetarëve. Kjo do t’i mundësonte AGK-së të monitorojë zhvillimet në këtë fushë dhe kualitetin e aktgjykimeve./ lajmi.net
.
