Policia ka ndërhyrë me shpejtësi dhe nuk e ka lejuar të ndezë çakmakun duke i shpëtuar jetën. Më pas policia e ka dërguar në komisariatin nr.1 të Tiranës për ta marrë në pyetje. Nuk dihet arsyet që kanë shtyrë atë ti vë zjarrin vetës.
Ja njoftimi i plotë i Ministrisë së Brendshme: “Në Rrugën e “Elbasanit”, në afërsi të Ambasadës Amerikane, shtetasi F.S., 53 vjeç, banues në Tiranë, ka lyer trupin me benzinë. Falë ndërhyrjes së menjëhershme të shërbimeve të Komisariatit të Policisë Nr 1, është bërë i mundur parandalimi i veprimeve të tij.
Ky shtetas ndodhet i shoqëruar në komisariat ku po merret në pyetje për të zbardhur arsyet e veprimeve të tij.
