Në fshatin e tij të lindjes, në Makërmal të Skenderajt sot u varros me nderime të larta ushtarake Kapiten Sahit Goxhuli, ish-pjesëtar i Batalionit të Dytë të Brigadës për Reagim të Shpejtë të FSK-së në Istog.
Kapiteni Sahit Goxhuli për në banesën e tij të fundit u përcoll nga Togu Ceremonial i FSK-së, pjesëtarët të Batalionit të tij dhe të Brigadës për Reagim të Shpejtë, të FSK-së, kolegë të tij të shumtë, nga Baca Rifat Jashari, deputetë të Kuvendit të Kosovës, zyrtarë komunalë, familjarë e veteranë, si dhe shumë qytetarë të Skenderajt, Drenasit dhe të Kosovës.
Kapiten Sahit Goxhuli ndërroi jetë në moshën 39 vjeçare në një aksident derisa ishte nisur për të shkuar në punë.
