Sjellja e institucioneve tona lë shumë për të dëshiruar, ka thënë deputetja e LDK, Besa Gaxherri.
“Si Akademia e Shkencave dhe Arteve të Kosovës nuk ka dalë me një qëndrim rreth kësaj çështje të cilën tash e sa kohë ne po merremi me të”, ka thënë ajo. “Na duhet që të dalim nga ky takim të sqaruar rreth kësaj, por që nuk e di nëse do të dalim ashtu.”
Gaxherri ka shtuar se debati për të cilin janë mbledh sot ka qenë më se i nevojshëm.
“Nëse keni marrë kriter të vetmin kadastrën, do të doja të di nëse a ka Komisioni Shtetëror dokument kadastral të Malit të Zi që mbulon hapësirën e kontestueshme. Propozoj që Qeveria të bëjë matjen e territorit të Kosovës”, ka thënë Gaxherri.
