Tema me të cilën ata do të paraqiten i dedikohet muajit të Nënës Terezë dhe Ditës Ndërkombëtare të Rinisë, ka njoftuar për KultPlus, udhëheqësi i Galerisë se Arteve në Ferizaj, Skender Bedriu.
Për Ditën Ndërkombëtare të Rinisë, ditën e së premtes, Qendra Rinore, organizon koloni njëditore në Bulevardin e qytetit të Ferizajt, ka njoftuar udhëheqësi i Galerisë se Arteve në Ferizaj, Skender Bedriu për KultPlus. Në këtë koloni e cila fillon në ora 10:00, do të marrin pjesë gjithsej 15 artistë të rijnë dhe profesionistë, gjithashtu edhe të rijnë nga Komuna e Shtërpcës dhe Kllokotit. Pjesëmarrës do të jenë edhe Qendra për fëmijët me autizëm “PEMA”.
Po sipas Bedriut, tema me të cilën ata do të paraqiten i dedikohet muajit të Nënës Terezë dhe Ditës Ndërkombëtare të Rinisë. Këtë koloni e organizon sektori i Rinisë dhe Galeria e Arteve. Hapja e ekspozitës do të bëhet në ora 18:00 dhe do të qëndrojë e hapur deri në ora 20:00. Ndërsa nga ora 19:00 e deri në orën 23:00 do të ju shoqërojnë me muzikë grupet e reja të Rin’on./KultPlus.com
