Në fakt bëhet fjalë për një sherr xhelozie, ku Jonandër Bami, 24 vjeç nuk pranonte dot faktin që e dashura e tij e kishte lënë.
Rreth orës 20:00 Bami i kishte zënë pritë vajzës 22-vjeçare me inicialet R. Ç., në mes të Laprakës. Fillimisht i riu e ka sharë të renë dhe i ka marrë telefonin.
Por vajza ka reaguar duke e kundërshtuar dhe kërkuar telefonin e saj. Në këto momente Bami ka filluar që gjuajë të renë, fillimisht me shpullë dhe më pas edhe me grushte e shkelma.
Dëshmitarët e shumtë kanë njoftuar menjëherë policinë, e cila ka prangosur në flagrancë Bamin, duke e akuzuar për dhunë. Sipas dëshmive të vajzës ngjarja kishte si shkak ndarjen e saj nga ai.
.
