“Luaj me mua, jo me telefon”, ishte mesazhi i një marshi të organizuar nga fëmijët e grupmoshave 6-12 vjeçare në Ferizaj.
Organizator të këtij marshi ishte klubi “Rinon”, në bashkëpunim me disa shkolla të Ferizajt.
Qëllimi sipas tyre ishte vetëdijesimi i prindërve që t’u kushtojnë më shumë kohë fëmijëve të tyre dhe jo telefonave celularë.
Sipas një komunikate për media, organizatorja e këtij eventi, Vanesa Sadriu, tha se ky mesazh do t’u shërbejë prindërve që të shtojnë kujdesin ndaj fëmijëve të tyre.
“Pasi që fëmijët kanë nevojë më shumë për dashurinë e prindërve se sa për telefonat e mençur të cilët po krijojnë njëlloj distance mes prindërve dhe fëmijëve dhe shpresoj që ky marsh, ky mesazh i fëmijëve të jetë një hap pozitiv drejt raporteve fëmijë-prindër në një periudhë aq të rëndësishme për zhvillimin e fëmijëve”, ka thënë ajo.
