Pas mbledhjes së sotme të Qeverisë së Kosovës, kryeministri Ramush Haradinaj ka folur përsëri për grevën e mësimdhënësve.
Lidhur me ofertën për rritje të pagave për mësimdhënësit me 10 për qind, Haradinaj ka thënë se Qeveria e ka kryer atë që ka mundur, shkruan Insajderi.
“Ne e kemi kry atë që një qeveri mundet me e kry, atë që s’kanë shpresu as ata (mësimdhënësit) që mundet me u kry”, ka thënë Haradinaj.
Shefi i ekzekutivit ka thënë se mësimdhënësve dhe nxënësve do iu shkojë e gjithë vera duke i kompensuar orët e humbura.
“Eshtë e dhimbshme që do iu shkojë e gjithë vera duke i kompensu orët”, ka thënë ai.
Haradinaj ka shtuar se orët e humbura nuk guxojnë të lihen të pakompensuara.
“Orët nuk guxojmë me i lanë të pakompensuara… Nuk kam më shume çka bëj. E verteta është që fëmijët tanë dhe fëmijët e arsimtarëve janë duke pësu”, ka deklaruar mes tjerash Haradinaj.
