29,03,2024

Analistët: Shkupi t’i reagojë Serbisë për deklaratën e Daçiqit

Must Read

“Daçiq e ka thënë deklaratën ose analizën me emocione, por kjo ka edhe pasoja tjera meqenëse të gjithë ne e dimë se vjen një kohë kur Serbia po ashtu fuqizohet duke marrë përkrahjen nga Rusia si dhe duke lënë hapësirë për zhvillimin e neonacizmit ose xixave tjera për konflikte të mundshme në rajon. Kjo është çështje serioze dhe besoj se Serbia nuk e mendon me seriozitet atë që e ka thënë Daçiq”, tha analisti Albert Hani.

Retorika e Daçiqit është e para e llojit të tillë nga ana e Serbisë, e cila është e habitshme dhe e pakuptueshme në angazhimet për marrëdhënie të mira fqinjësore, vlerësojnë nga Instituti për Politika Evropiane. Megjithatë, sipas tyre ky qëndrim i tij është rezultat i ndikimit të dobët të diplomacisë së Maqedonisë.

“Nga ana jonë e medaljes megjithatë, ajo tregon një politikë të jashtme të pafuqishme, pozita jonë bie pingul në rajon, dhe kjo është gjithashtu diçka që duhet të na brengosë. Ajo që është urgjentisht e nevojshme për Maqedoninë, është rimëkëmbja e saj e brendshme e cila do mund të reflektohet më vonë me një politikë të jashtme të forcuar, dhe në çdo rast prioretizimi i marrëdhënieve me fqinjët”, deklaroi Malinka Ristevska Jordanova, Instituti për Politika Evropiane.

Shefi i diplomacisë së Serbisë Ivica Daçiq ka thënë se vendi tij ka gabuar që ka njohur Maqedoninë me emrin kushtetues, kjo për shkak se Maqedonia ka njohur pavarësinë e Kosovës. Ai tha se me njohjen e Maqedonisë serbët i kanë fyer vëllezërit e tyre grekë. Ndërkohë kreu i Partisë Liberal Demokratike Çedomir Jovanoviq qëndrimin e këtillë të shefit të diplomacisë serbe e cilësoi përkeqësim me vetëdije të marrëdhënieve duke quajtur Daçiqin “nacionalist i vetëdijshëm”./Alsat/

.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img