Ferizaj.09.11.2017. Sot në vizitë zyrtare zëvendësministri i financave Mustafa Grainca priti menaxherin e kompanisë “PIVOT” z. Shoaib Walajahi nga Emiratet e Bashkuara, i cili shfaqi interesimin për investim milionësh në fushën e prodhimit të energjisë.
Zëvendësministri Grainca e njoftoi investitorin në lidhje me politikat fiskale të aplikuara në Republikën e Kosovës, për lehtësirat që i afron shteti ynë karshi investimeve të huaja.
Në anën tjetër menaxheri i kompanisë në fjalë z. Walajahi u nda i kënaqur me të dhënat e afruara.
Po ashtu të dyja palët u zotuan për vazhdimin e bashkëpunimit në aspektin investimor, edhe në nivel lokal respektivisht në komunën e Ferizajt duke përfshirë edhe fushat e tjera me interes.
