03.01.2018. Zëvendësministri i Zhvillimit Ekonomik, Xhavit Zariqi, vizitën e parë të këtij viti e ka bërë në KEK.
Sipas Zariqit, Qeveria e Kosovës është duke u angazhuar maksimalisht që të kaloj krizën e prodhimit të energjisë elektrike.
Zariqi së bashku me Drejtorin e KEK-ut, Arben Xhukaj, kanë inspektuar punët në minierat e thëngjillit të cilat ditëve të fundit kanë filluar me intensitet të shtuar që vendi të mos ballafaqohet me ndërprerje të energjisë elektrike.
“Në vazhdën e aktiviteteve të vazhdueshme, për të arritur objektivat e Qeverisë së Republikës të Kosovës, që Kosova të kaloj krizën e prodhimit të energjisë elektrike, e cila krizë erdhi si pasojë e neglizhencës së qeverisë kaluar. Sot pata kënaqësinë e veçantë që së bashku me Drejtorin e KEK-ut z.Arben Xhukaj, nga afër të inspektoj punët që po bëhen me një intensitet të shtuar në minierat e thëngjillit, me qëllim që vendi ynë të mos ballafaqohet asnjë herë me ndërprerje të energjisë elektrike” ka thënë Zariqi.
