Deputeti i Partisë Demokratike të Kosovës, Zenun Pajaziti e ka zbuluar pse koalicioni PDK- LDK, i cili premtoi hapjen e 320 mijë vendeve të punës nuk po mund që t’i realizoj. Ai në një intervistë të dhënë për Klan Kosova ka theksuar se opozita është ajo e cila e ka penguar realizimin e këtij premtimi, raporton Gazeta Blic.
“Ne kemi pasur probleme me funksionimin e institucioneve vitale, dhe kjo ka qenë një nga arsyet e dështimit të shumë premtimeve”, iu përgjigj pyetjes së gazetarit se përse nuk u realizuan 320 mijë vendeve të reja të punës të premtuar nga koalicioni PDK- LDK.
Pajaziti ndër të tjera ka thënë se ai nuk pretendon që të jetë kundërkandidat i Kadri Veselit për kryetar të PDK.
Ai ka shtuar se do të jap kontributin e tij në degën e PDK-së në Gjilan./ Gazeta Blic