Kjo pasi në konferencën për media të mbajtur në sheshin ‘Ibrahim Rugova’ në Prishtinë, deputeti këtë nuk e sqaroi.
Kështu, në konferencën e thirrur, Salihaj deklaroi se në hapësirat e Afganistanit jetojnë një popull që quhet Kalasha, e që numëron 500 mijë banorë, raporton lajmi.net.
“Ky popull përdorë fjalë shqipe dhe ka tradita si tonat”, tha Salihaj.
Sipas tij, ata përdorin fjalët shqipe për emërimin e vendbanimeve, si për shembull malet që janë rreth tyre e që kanë emrat si Bubullima apo Rrokullisje.
Madje Salihaj deklaron se edhe instrument muzikore i kanë me emra shqip si lahuta.
“Ky popull j nuk ka të bëjë asgjë me atë afgan dhe pakistanez”.
Vajza të fisit Kalasha
Duke qenë i bindur për këtë, Salihaj tregon tjetër detaj që sipas tij dëshmon se ky popull është me origjinë ilire.
“Në martesat e tyre, ata betimin e bëjnë me fjalët ‘derisa të vdes, besa besë”, tha ai, raporton lajmi.net.
Madje për këtë shprehje, thotë se ka edhe video.
“ E kanë edhe ‘qenin Ilir’ që ne i themi ‘qeni i Sharrit’ dhe duket se këta kanë origjinë nga trevat e Rugovës”, tha Salihaj para mediave, pa qeshur asnjëherë.
Ai deklaroi se edhe besimi i këtij populli është ai çfarë kanë besuar iliret.
“Për këtë janë bëtë analiza nga 4 shqiptarë por edhe nga të huajt”, u shpreh Salihaj, pa treguar më shumë detaje se kush janë ata që kanë kryer këto analiza.
Madje për më tepër, Salihaj tha se këtë çështje do ta shtrojë edhe në Kuvendin e Kosovës, ku do të kërkojë që Kosova dhe Shqipëria të dërgojnë atje një ekspeditë.
Duke përfunduar, Salihaj tha se ky popull me prejardhje ilire në Afganistan është krijuar pasi atje kanë mbetur që nga koha kur paraardhësit e tyre ishin ushtarë të Aleksandërit të Madh.
Por deputeti Salihaj duket se ka harruar ta përmend se ky version “i zbuluar” është raportuar kohë më parë në dokumentare të ndryshme dhe në media, një prej te cilave mund ta gjeni edhe në vegëzen më poshtë. Por ata janë në Pakistan e jo në Afganistan./lajmi.net
http://www.huffingtonpost.com/brian-glyn-williams/pagan-kalash-people-of-pakistan_b_4811627.html
.
