Kushtetuta e popullit tonë asnjëherë nuk është konceptuar vetëm si një akt më i lartë juridik dhe politik i vendit, Kushtetuta e Republikës së Kosovës ka një domethënie shumë më të gjerë, sepse përmes saj janë pasqyruar përpjekjet shekullore për krijimin e shtetit.
Ideja për Kushtetutë në Republikën e Kosovës, i ka rrënjët thellë në përpjekjet e përgjakshme të popullit tonë të përvuajtur për të krijuar shtetin.
Pikërisht më 9 prill 2008 u kurorëzuan përpjekjet shekullore të popullit të Kosovës për krijimin edhe de jure të shtetit. U kurorëzuan po ashtu përpjekjet e përgjakshme për mbrojtjen e ndjenjës shtetërore dhe kombëtare që zakonisht tentohej të arrihej përmes Kushtetutës. Pikërisht në këtë ditë, populli i Kosovës ishte i vetëdijshëm që po krijonte identitetin e shtetit!
Urojmë që shteti ynë të forcohet ç’do ditë e më tepër.
Xhavit Zariqi
Zv.Ministër i Zhvillimit Ekonomik
