Zariqi: Ferizaj nuk ka askend aty ku ndahet “pilafi”

Në debatin e për zgjedhjet lokale në emisionin EuroTribuna me Menduh Abazin, nënkryetari i Ferizajt, Xhavit Zariqi, për vështirësitë e zhvillimit të Ferizajt ka thënë se nuk është gjithçka në duart e pushtetit lokal.
Zariqi ka thënë se Ferizaj asnjëherë nuk është I përfaqësuar aq sa e meriton në nivelin qendrore, aty ku edhe vendoset për prioritetet e zhvillimit dhe ndahet buxheti për zhvillimin e komunave.
“Ne nuk kemi asnjë përfaqësues në Qeveri. Ferizaj nuk ka asnjë Ministër në Qeverinë e Kosovë. Ne nuk kemi asnjë njeri aty ku ndahet “Pilafi” prandaj edhe nuk është lehtë të tërhjekësh investime’ ka thënë Zariqi, duke aluduar në atë se gjithmonë në fushata elektorale Ferizajt I është premtuar se do të përfaqësohen ne nivel Ministrash por që asnjëherë nuk është bërë realitet.