Seriali “Dashuri e pafund” ka qenë një nga serialet më të ndjekur si në Turqi, ashtu edhe në shume vende të tjera të Europës. Madje, ai ka arritur deri aty sa të thyejë kufijtë dhe të nisi transmetimet përtej oqeanit në vende si Kili apo Argjentina.
Transmetimet e këtij seriali në vendin tonë, ekskluzive në ekranin e Tring, janë shfaqur për publikun paralelisht me transmetimin në Turqi. Madje, askush nuk e di fundin e serialit duke qenë se ai ka qenë ende duke u xhiruar deri para pak ditësh.
Në Turqi, episodi i fundit i “Dashuri e pafund” do të transmetohet këtë javë. Ende nuk është bërë i ditur se cili është fati i dy protagonistëve të serialit, interpretuar nga Neslihan Atagul dhe Burak Ozcivit. Megjithatë është thënë se përveç këtyre dy emrave, në episodin e fundit interpretojnë gjithashtu, Zerrin Tekindor në rolin e Lejlës dhe Kaan Urgancioglu në rolin e Emir.
