Kryeministri i Serbisë Aleksandar Vuçiq, njëherësh kryetar i Partisë Progresive serbe (SNS), ka bërë të ditur sot gjatë vizitës së tij në Kosovë, se gjithçka nën 50 për qind të votave nga qytetarët e Kosovës për Listën e përbashkët të rreth Partisë së tij, do ta konsideronte mossukses.
“Gjithçka që do të ishte nën 50 për qind të votave për Listën të cilën po e udhëheqë unë në Kosovë, mendoj se do të ishte mossukses I madh”, ka thënë mes tjerash Vuçiq.
Ai më herët ka vizituar minatorët e Trepçës në Leposaviq, pastaj banorët e Zveçanit, ndërsa gjatë kohës kur po raportojmë është duke inauguruar Qendrën e re të onkologjisë në veri të Mitrovicës.
Mësohet se pas veriut të Mitrovicës, Vuçiq nën masa të rrepta të sigurisë do të vizitojë edhe komunën e Zubin Potokut. /KosovaPress/
