Kandidatja e Lidhjes Demokratike të Kosovës, për kryetare të Komunës së Ferizajt, Sibel Halimi, e shoqëruar nga bashkëshorti i saj, ka shfrytëzuar të drejtën për të votuar në zgjedhjet lokale të 17 tetorit.
Ajo rreth orës 10:00 ka votuar në Shkollën e mesme të Bujqësisë “Zenel Hajdini” në Komunën e Ferizajt.
Ajo përmes një postimi në llogarinë e saj ka theksuar se “sot Kosova ka festë”, duke shtuar ftesës drejt të gjithë qytetarëve të bëhen pjesë e festës, përmes shfrytëzimit të së drejtës për votë.
