Tirana Banka kallëzon penalisht për vjedhjen e 32 mijë eurove, zv.drejtoreshën e përgjithshme, A.Z. Përmes nje njoftimi, banka sqaron se vjedhja u konstatua pas monitorimeve të brendshme, ndërsa theksohet se kjo ngjarje nuk e cënon sigurinë e depozitave të qytetarëve e as marrëdhëniet e bankës me klientët.
“Banka e Tiranës ka konstatuar si pasojë e monitorimeve të brendshme rutinë, kryerjen e veprimeve të kundraligjshme në dëm të saj në vlerën prej 32,555 euro nga shtetësja A.Z, në cilësinë e zëvendës drejtoreshës së degës. Vetë Tirana Bank ka depozituar më datë 31.10.2014 pranë Prokurorisë së Rrethit Gjyqësor Tiranë, kallëzimin kundër kësaj shtetaseje për veprën penale “Vjedhje e kryer duke shpërdoruar detyrën. Theksojmë se dëmet financiare të shkaktuara ndaj bankës nga këto veprime nuk cenojnë sigurinë dhe seriozitetin e marrëdhënieve të Bankës me klientët!”, thuhet në njoftimin e bankës./lapsi.al
