Kryetari i Komunës Rufki Suma priti në takim pune zyrtarë të lartë të Spitalit Regjional në Ferizaj, me në krye z.Bejtush Jaha Drejtorë Ekzekutiv i Spitalit, i shoqëruar nga z.Ymer Llabjani, Drejtorë i Infermierisë, z. Bashkim Mehmeti, Zyrtarë i Lartë për Siguri Shëndetësore, znj.Sevdie Bajraliu-Sadiku, nga Drejtoria e Shëndetësisë në Spitalin e Ferizajt.
Në takim ku ishin prezent edhe Nënkryetari i Komunës së Hanit të Elezit, Mallzum Qajani dhe Dr Nejazi Luma Drejtorë i QKMF “Dr. Menduh Kaloshi” në Han të Elezit, është vlerësuar lartë bashkëpunimin ndërmjet institucioneve shëndetësorë përkatësisht QKMF “Dr. Menduh Kaloshi” me Spitalin Regjional në Ferizaj.
z.Bejtush Jaha Drejtorë Ekzekutiv i Spitalit Regjional në Ferizaj i njoftoi zyrtarët nga Komuna e Hanit të Elezit për nënshkrimi e kontratës me të cilën hapet rruga e fillimit të punimeve për ndërtimin e Spitalit të ri në Ferizaj që do të jetë ndihmesë e madhe për tërë sektorin e shëndetësisë të Regjionit të Ferizajt.
Zyrtarët e lartë të Spitalit Regjional në Ferizaj me këtë rast uruan Kryetarin Suma dhe Nënkryetarin Qajani për marrjen e detyrave në krye të Komunës së Hanit të Elezit duke u zotuar për bashkëpunim në interes të banorëve të komunës.
