Huliganët kanë thyer gjimnazin “Dr.Shaban Hashani” në Ferizaj për ta marrë sistemin e vëzhgimit të kamerave, CD-të e incizuara, pastaj kanë vjedhur 4 kompjuterë, një projektor dhe kanë dëmtuar dyert dhe inventarin brenda këtij objekti, në fundjavën e shkuar.
Ndërkohë deri tashti organet e policisë në Ferizaj nuk kanë marrë ndonjë person si të dyshuar, lidhur me këtë ngjarje, shkruan sot “Koha Ditore”.
Përfaqësuesit e kësaj shkolle disa herë kanë kërkuar nga komuna që të punësohej ndonjë rojë, mirëpo deri tashti një gjë e tillë nuk është realizuar, shkaku i mungesës së mjeteve buxhetore.
