Sipas tij, Komuna që po e rrëzon murin është pjesë e strukturave paralele të Serbisë.
Zëdhënësi i Lëvizjes Vetëvendosje, Frashër Krasniqi, përmes një statusi në Facebook, ka kritikuar Qeverinë e Kosovës për mos-veprim në rrëzimin e murit afër urës së Ibrit në pjesën veriore të Mitrovicës, i cili u ndërtua ilegalisht nga serbët e atjeshëm.
Sipas tij, heqja e murit nga “vetë strukturat paralele” është mesazh i tyre që “ne vendosim këtu”.
“Heqja e murit nga vetë strukturat paralele është mesazh i tyre që “ne vendosim këtu!” Prandaj Qeveria është dashur ta heq vetë atë mur. T’i tregojë Serbisë që shteti ynë nuk bën kompromis me struktura paralele kriminale. Sikur ta kishim një qeveri të tillë”, ka shkruar Krasniqi.
