Qendra Kombëtare për Menaxhimin Kufitar, ka njoftuar se në hyrje-daljen e pikës kufitare në Merdare, vazhdon të ketë pritje të gjata. Pritjet zgjasin 300 minuta, apo 5 orë, ndërsa kolona në dy kahet është e gjatë 1500 metra.
Pritje ka edhe në pikën kufitare Dheu i Bardhë, ku në hyrje pritet deri në 120 minuta, apo 2 orë, ndërsa në dalje pritja është shumë më e vogël.
Pritjet e mëdha në kufi janë për shkak të ardhjes së numrit të madh të mërgimtarëve, të cilët po i shfrytëzojnë pushimet verore për të ardhur në vendlindje.
