Kryetari i komunës Besim Ilazi, priti në takim përfaqësues nga rrjeti i OJQ-ve “AVONET”, me të cilët u diskutua bashkëpunimi mes kësaj organizate dhe Komunës së Kaçanikut. Kenan Gashi – Drejtor ekzekutiv i organizatës “AVONET” , bëri të ditur se në vazhdën e bashkëpunimit, së shpejti do të filloj së realizuari projekti “One for All” , i cili projekt do të realizohet edhe në Komunën e Kaçanikut, ku janë paraparë kurse dhe trajnime për të rinjët , në shkathtësi të buta, IT, fotografi, gastronomi (kuzhinë) etj, ky projekt është mbështet nga GIZ.
Kryetari Ilazi falënderoi organizatën për punën dhe bashkëpunimin e deritanishëm, ndërsa tha se tani më është e nevojshme që tek të rinjtë të bëhet ngritja e kapaciteteve dhe kuadrove profesionale për përgatitje për vendet e punës, ndërsa fushat e trajnimit i vlerësoi si shumë të rëndësishme. Në takim prezantoi edhe Drejtori për Arsim dhe Kulturë Zahir Doda.
