Një njeri serb ka thënë për “Presheva Jonë” se ai i ka frikë martesat e hershme mes serbëve dhe vajzave shqiptare. Sipas tij, fëmijët me nënat shqiptare, nuk i dihet nëse nesër do ta “tradhëtojnë” Serbinë.
Ai shton se nëse këto martesa do të ishin të vërteta dhe të sinqerta do të ishte gjithçka ne rregull, mirëpo dyshon.
Sipas tij, femrat shqiptare janë duke u blerë nga disa grupe e kompani në Serbi.
“Ato blihen për pak para ose mashtrohen për një jetë të mirë, mirëpo në fakt gjatë gjithë ditës ato merren me bartjen e druve me traktor dhe me kujdesin e bagëtive” shprehet serbi.
“U kryqëzua në kishë, ajo vetë deshi ta bëjë ketë” tha dhëndri Bratislavi
Dhurata, tashmë me emër të ndryshuar e quajtur Dunja është nuse shqiptare në Serbi. Ajo nuk din të flasë fare serbisht. Me familjen e bashkëshortit ajo kuptohet duke folur greqisht, ndonjëherë serbisht me duar e me këmbë.
Raportohet se janë rreth 800 femra shqiptare që janë “tregtuar” në Serbi. Vajzat shqiptare shiten nëpër Serbi për vetëm 5 mijë euro.
Martesat bëhen më shumë shkaku i parave, për para vajzat e reja shqiptare martohen edhe me burra të vjetër në moshë.
“Stara Raška” një organizatë humainare në Beograd ka arritur t’i gjejë 400 femra shqiptare që ishin të gatshme të martohen në Serbi për një hark të shkurtër kohor.
Tirana me nuse po bën albanizmin e “Serbisë jugore” siç ka qenë dikur e banuar me shqiptarë…?
Një serb tjetër thotë se prapa martesave të serbëve me shqiptarë qëndron ndonjë projekt i Shqipërisë.
“Unë më shumë dyshoj, se pas këtyre martesave fshehet ndonjë projekt i Shqiperisë i cili po bën përpjekje në mënyrë indirekte të albanizojë (shqiptarizoj) Serbinë jugore..” ka thënë një tjetër serb.
Gazeta serbe sot ka shkruar se është martesa e gjashtë në Luginën e Preshevës, ajo midis Dhurata Malit dhe Miroslavit.
Bashkëshorti i Dhuratës është 42 vjeçar dhe duket se dashuria e tyre është duke shkuar shumë mirë. Ata ishin martuar në kishën e Komunës.
Familja serbe janë të kënaqur që nusja shqiptare është duke qëndruar dhe duke iu përshtatur ambientit, tashmë ajo nuk quhet Dhurata por Dunja Tasic.
“Ata pranojnë dallimet, zakonet dhe zakonet morale, kulturën dhe karakteristika të tjera, si dhe diversitetin për të tërhequr”, ka thënë Suncica Tasic.
Në Lopardishte të Bujanocit nusja shqiptare e ka gëzuar gjithë fshatin, sipas tyre qe pesë dekada nuk mbahet mend gëzimi i asaj dite.
Në fshat ka edhe shumë beqar tjerë, ka burra 50 vjeçar që presin të marrin nuse nga Shqipëria./Presheva jonë/
.
