Të nderuar besimtarë,
sot shënojmë fundin e muajit të bekuar të Ramazanit, muajit të vetëpastrimit shpirtëror, të amnistisë hyjnore dhe solidaritetit njerëzor, ndërsa nesër i gëzohemi ardhjes së Fitër-Bajramit, festë kjo e cila vjen pas sakrificës dhe përkushtimit njëmujor që patëm në muajin Ramazan.
Uroj që kjo festë të jetë motiv për përforcimin e besimit tonë, forcimin e mendjeve dhe zemrave tona sepse kjo ditë është ditë e mëshirës, faljes, mirëkuptimit, mirësisë dhe paqes.
Gëzuar Fitër-Bajramin, me urimet më të përzemërta për sa më shumë mbarësi, shëndet të mirë e begati në familjet tuaja!
Fehmi ef. Mehmeti
Kryetar i Këshillit të Bashkësisë Islame të Ferizajt
