Rektori i Universitetit të Shkencave të Aplikuara në Ferizaj, Prof. Dr. Agron Bajraktari dhe rektori i Universitetit të Gjakovës, Prof. Dr. Shaban Buza, nënshkruan Marrëveshje Bashkëpunimi në fushën e arsimit të lartë dhe shkencës.
Marrëveshja hap mundësinë e shkëmbimit të stafit akademik, shkëmbimin e studentëve, aktivitete dhe publikime të përbashkëta shkencore si dhe çështje dhe aktivitete të tjera me rëndësi për të dyja universitetet.
Të dy rektorët u shprehën të kënaqur sepse do të bashkëpunojnë për çështje të rëndësishme për universitetet, të cilat ata i udhëheqin, ndërsa theksuan se së bashku do të punojnë për t’i dhënë hov zhvillimit dhe ngritjes së cilësisë në këto dy institucione të arsimit të lartë.
