Drejtoria e Arsimit , ka njoftuar Drejtorët e shkollave të Ferizajt, se kryetari i Ferizajt, Agim Aliu ka marrë vendim që të hënën, 15 shkurt 2021, të mos mbahet mësimi në shkollat që një ditë më parë kanë qenë qendra votimi.
Kjo për shkak që të mbrohet shëndeti i nxënësve, mësimdhënësve dhe stafit tjetër të shkollës nga pandemia COVID-19.
N J O F T I M
Njoftohen gjithë drejtorët e shkollave të Komunës së Ferizajt, se me vendim të kryetarit të Komunës z. Agim Aliut, me 15 shkurt 2021, e hënë, për shkaqe të sigurisë së nxënësve dhe personelit të shkollës, nuk do të mbahet mësim. Arsye për këtë janë zgjedhjet që do të zhvillohen me 14 shkurt 2021, prandaj të nesërmen shkollat duhet të pastrohen dhe të jenë gati për zhvillim të procesit mësimor.
Kjo ditë mësimi do të kompensohet me 20 shkurt 2021, e shtunë.
