Ferizaj.26.02.2018. Gjatë ditës së sotme është mbajtur mbledhja e radhës e Këshillit ndërdrejtorial. Këtë mbledhje e udhëhoqi koordinatori i këtij mekanizmi institucional, Mustafa Grainca. Pikë e rendit të ditës në këtë mbledhje ishte aprovimi i Planit të Veprimit të Këshillit ndërdrejtorial për zhvillimin ekonomik, si dhe fillimi i zbatimit të propozimeve nga ekzekutivi komunal që dalin nga ky plan.
Këshilli ndërdrejtorial përbëhet nga drejtorët e drejtorive komunale: Drejtoria e Financave, Drejtoria e Zhvillimit Ekonomik dhe Turizmit, Drejtoria e Bujqësisë dhe Pylltarisë , Drejtoria e Pronës, Gjeodezisë dhe Kadastrit, Drejtoria e Infrastrukturës, misioni i së cilës është hartimi i politikave për zhvillimin ekonomik në nivel lokal dhe implementimi i Fondit të Punësimit.
