Drejtori i Drejtorisë së Shërbimeve Publike dhe Emergjencë, Arben Halili dhe drejtori i Drejtorisë së Urbanizmit dhe Mjedisit, Arbër Bytyqi, bashkë me inspektorin e zjarreve Luan Salihu dhe zyrtarin e emergjencave, Skender Kurti, paraditen e sotme, pritën drejtues të Agjencisë së Menaxhimit të Emergjencave, përkatësisht drejtorin e drejtorisë së financave dhe shërbimeve të përgjithshme në këtë agjenci, Shpend Tërdevaj, Valon Krasniqi, drejtor i Departamentit të Zjarrfikjes, si dhe Dardan Lushtaku – zyrtar i financave.
Në këtë takim, u diskutua për synimin që ka AME të ndërtoj një objekt të ri të zjarrfikësve në Ferizaj, funksionalizimin e Qendrës së Alarmimit 112 si dhe çështje tjera pune që ndikojnë në punën e përditshme të zjarrfikësve.
Drejtuesit komunal u zotuan se do të ndërmarrin të gjitha veprimet e nevojshme që të realizohet ky investim, me rëndësi të veçantë për shërbimet publike dhe emergjencat në nivel lokal.
