Kryetari i komunës së Ferizajt, Muharrem Svarqa në ceremoninë e hapjes së Fabrikës së Brumërave “OREX PLUS’’, tha se hapja e bizneseve ka rëndësi të jashtëzakonshme për komunën e Ferizajt.
Svarqa shtoi se këto biznese po e zhvillojnë komunën, e poashtu edhe Kosovën, duke qenë forcë e zhvillimit ekonomik, pas kryeqytetit.
‘’Ferizaj po bënë gjithçka që është e mundur për të përkrahur bizneset, si ato të vogla ashtu edhe ato të mesme’’ tha ai.
Kryetari Svarqa theksoi se komuna e Ferizajt është derë e hapur për bizneset.
